طارط بالشكولاط والجوز

 

 

طارط بالشكولاط والجوز

 

 

 

 

 مقادير الجينواز

 

4 البيضات

200غ سكر

160غ طحين

40غ بودرة الكاكاو

ملعقة صغيرة خميرة كيماوية

نسمة الليمون

50غ جوز مهرمش

 

كريمة الجناش

 

100 مل قشدة طرية

60غ شكلاط 

30 غ زبدة  

50 غ بودرة اللوز او الجوز حسب المتواجد ويمكن الاستغناء عليه

 

كريمة شانتى للتزيين

 

الطريقة

 

 على بركة الله نبدؤ المراحل

اولا نوجدو الجينواز ديالنا

 

نوزنو الطحين والكاكاو  

للحصول على 200 غ

 

 

نضربو البيض كامل بالخلاط الكهربائي

 

 

 

لحين يثكاتف ويضاعف حجمه

 

 

نزيدو السكر مع الاستمرار في الخلط

 

 

نغربلو الدقيق مع الخميرة والكاكاو

 

 

نضيفو عليه الجوز المهرمش

 

 

ونزيد النواشف اللي وجدنا  ونسمة الليمون على خليط البيض والسكر  

 

 

نقفو الخلاط الكهربائي

ونستعملوه بدون تشغيل لحين ينزل الدقيق لقعر الاناء

 

 

بعدنا ينزل الدقيق للقعر نشغلو الخلاط الكهربائي مدة 3 دقائق

باش ينسجم الخليط كله

 

 

نفرشو صينية الفرن بورق السولفيريزي  ونصبو الخليط  وندخلوه للفرن 

لمدة 20 دقيقة  على درجة حرارة 180

15 دقيقة للطهي من التحت

5 دقيقة من الفوق

 

 

 

 هذا شكلها من بعد ما خرجت من الفرن

 

 

نقطعوها  على 2 القطع

26 سم الطول

15  سم العرض

 

 

 

 

كيفية تحضير الغناش

نذوبو الشكلاط في  في حمام  مريم 

نسخنو القشدة الطرية  ونزيدوا على الشكلاط مع الاحتفاظ بالوعاء في حمام  مريم

ثم مضيف قطع الزبدة على الخليط ونبقاو نحركو وفي الاخير نزيدو بودرة اللوز.

اعتذر عن عدم تصوير المراحل اعدكم بتصويره في وصفة قادمة ان شاء الله.

 

 

نسقيو القطعة السفلى بعصير الليمون  او الحليب مع الكاكاو  حسب المتوفر

 

 

 بعدما طربنا الكريم شانتي انا هنا استعملت hulala وصراحة 

كريمة ممتازة نملؤو الجيب الحلواني ونذوزه على القطعة اللي سبق لينا وسقيناها

نرشو عليها الجوز المهرمش

 

 

ونغطيوها بالقطعة الثانية بعدما نكونو سقيناها هي الاخرى

 

 

نزينوها من الفوق بالكناش اللي وجدنا

 

 

نزينو الجوانب بالكريمة البيضاء

 

 

 

نرشوها  من الفوق بما تبقى من الجوز ونزينوها بقطع من الفاكهة

 

 

 انا هنا استعملت الليمون للتزيين

وهاهي حليوتنا واجدة بالصحة والهناء