الثلاثاء، 11 ديسمبر 2012

بسطيلة بالدجاج واللوز

بسطيلة بالدجاج واللوز

 
 
 
 
 
 
المقادير:
دجاجة كبيرة 3 كيلو
2 كيلو ديال البصلة 
10 البيضات
 2 بكيات ديال الورقة
او نصف كيلو ورقة
500غ لوز مسلوق ومقلي
ومطحون مهرمش منسم بالقرفة والبسيبيسة والسنيدة
العسل
250غ زبدة
100غ سنيدة
التوابل
ملح
زنجبيل
قرفة
بسيبيسة
عطرية المروزية
الزعفران العرق
الزعفران شعرة
السمن 


الطريقة :

نحكو 2 بصلات كبار او نقطعمهم رقيق زيدو عليهم    الزعفران بنوعيه الى ماكان متوفر الزعفران شعرة عوضوه بضامة البنة ديال الزعفران معلقة صغيرة قرفة معلقة كبيرة سكينجبير شوية بسيبيسة مطحونة معلقة صغيرة عطرية المروزية ملح معلقة صغيرة سمن ونزيد 1 كاس ديال الماء ونخلطوهم مزيان

 
 
بعدما وجدنا شرمولة ديال الدجاج نرقدوه فيها مدة 1/2 ساعة  نشعلو عليه النار كيفما يغلي نزيدو فيه كاس الزيت ونغطيو عليه يطيب في طنجرة عادية 
 
ناخذو كوكوط ونشلدو فيها الباقي ديال البصلة على شكل هلالات نزيدو عليها نفس التوابل اللي سبق وعملناهم في الدجاج كنزيد 1/2 كاس ديال الماء وكاس ديال الزيت وكنسدو عليها طيب


 
كيفما تصفر الكوكوط طفي عليها
 حلي وزيدي 2 حتى 3 المعالق كبار العسل وشوية بسيبيسة وخليها يتشحر الماء اللي فيها
 واحتفظي بها جانبا
 
 في هذا  الاثناء يكون الدجاج طاب
كتزوليه من الطنجرة وكتفسخي الجلد عن العظم وتفرتيه وتخليه جانبا
 وكتهزي معاه 1/2 زلافة الدسم الي طاب فيه
   
 
كتفقسي 8 البيضات في طاوة وتزيديها في نفس الطنجرة اللي طيبتي فيها الدجاج وكتبداي تخذمي في البيض  بالمغرفة مقلوبة باش ميتحرقش ليك حتى كيصبح بحال المخ في الشكل كتزوليه وكتصفيه وكتزيدي عليه  معلقة صغيرة قرفة شوية بسيبيسة وتقريبا 3 معالق السنيدة الحلاوة حسب الرغبة ديالكم
 
 

نوجدو الطاوة نفرشوها بورق الفرن باش تساهل عليكم عملية رفع البسطيلة منها
نفرشو 6 الورقات ديال البسيطلة على هذا الشكل اللي في الصورة
  كنذهنو الجوانب بالبيض باش يلتاحمو ونرشوا بالزبذة مذوبة
 

 
 
نقسمو كمية الدجاج الي فسخنا على 2
   نوضعو الصف الاول فوق الورقات اللي وجدنا
 
 
 

وكنرشوه ب2 معالق السنيدة والزبذة المذوبة
وكنزيدو عليه شوية من البصلة المعسلة  




 
وكنزيدوعليه البيض ونرشوه باللوز المسلوق ولمقلي
ومطحون مهرمش منسم بالقرفة والبسيبيسة والسنيدة
ونرشوه بالدسم
 
 
وكنعود نرجعو للنصف الباقي من الدجاج باش نكررو نفس العملية
حتى كتعلى البسطيلة ديالنا
 
 
كناخذ ورقة البسطيلة وندهن الجوانب ديالها بالبيض  ونبدا نرجع عليها الورقات اللي في الجوانب

 
حتى كتصبح البسطيلة على هذا الشكل وبنفس العملية اللي وجدنا بها الورقة في الاول كنضعو 5 الورقات ونذهنوهم من الجوانب بالبيض ونغلفو به البسطيلة حتى كتصبح كلها مغطية ومجموعة مزيان  

 
ماتبقى من ورقة البسطيلة نذوزوه في الماكينة ديال الشعرية نرشوه بالزبدة وشوية بسيبيسة والقرفة


 
ونلويوه بهذا الشكل علي صبيعاتنا حتى كيصبح بحال العش ندهنو بالبيض ونوضعوه
 فوق البسطيلة من الفوق باش يعطيها منظر ومظهر جميل

 
وكنبقاو نكرو في العملية

 
وماتبقى من الورقة اللي دوزنا في الماكينة كنقطعوه بالمقص ونزينو به الجوانب ديال العشيشات


 
 
ونقطعو طريفات الزبذة ونزلوهم فوق البسطيلة ونذخلوها للفرن 180 درجة 
 
 
بعدما تنضج كنسقيوها بالعسل ونزينو العشياشت ديالنا باللوز
وهاهي البسطيلة المغربية واجدة
بالصحة والعافية
واي استفسار انا رهن الاشارة وما تنساونيش من دعيواتكم الزوينين
 
 
 

16 التعليقات:

  1. تبارك الله عليك سعاد بسطيله زوينه و واعره بمعنى الكلمه الله يعطيك الصحه و يسلم يدياتك

    ردحذف
  2. الله يزين ايامك ا خديجة اختي ويعطيك ما نويتي في بالك

    ردحذف
  3. تبارك الله عليك روعة دائما كيف تعودنا عليك الله يعطيك الصحة

    ردحذف
  4. tebarklah alik osselate 3nbi 3like ma soeur chehiwatek fenine"hanane hanona

    ردحذف
    الردود
    1. حنان الله يبارك فيك اختى تشجيعاتكم لي هي اللي غاذي تخليني نزيد القدام

      حذف
  5. machalah 3lik mamati lah yakhli lik s7i7tak yarab

    ردحذف
    الردود
    1. حسونتى يا حسونتى الله يبارك فيك ونفرح بيك عن قريب ان شاء الله

      حذف
  6. omo leila iwa tbarklh ala lhadga raki tstahli 100 slat alanbi alik

    ردحذف
  7. tbarkalah aala lala souad lihla ikhatik had bastila kathamik bezafff mnidir fiha zwinnn bhal moulatha rhzala

    ردحذف
  8. machaallah 3lik jatek ghizala allah i3etik seha

    ردحذف
  9. شكرا حبيباتي..ام ليلى ..كريمة ومريامه لهلا يخطيكم علي

    ردحذف
  10. tbarkllah tsslam l ayadi

    ردحذف
  11. Habouba tbarkalah aalik rhanjaribha hint ta rajli galya zwina had tarika iwa nbayn liha bili hna famila hadga hhhhh bousa lik

    ردحذف
  12. السلام عليكم أختي سعاد، تبارك الله عليك اختي أطباقك راااااائعة ما شاء الله عليك
    من خلال بعض المكونات اللي تعملي عرفت بللي راكي فإيطاليا، واش ممكن نعرف فين كتسكني؟
    و اقتراح آخر الى قبلتيه مني علاش متعملي إعلانات ديال لي كوموند اللي بغا شي حاجة مثلا ف سوبيتو أو كيجيجي؟
    الله يوفقك يا اختي

    ردحذف